138. löggjafarþing — 32. fundur, 26. nóv. 2009.
ríkisábyrgð á lántöku Tryggingarsjóðs innstæðueigenda og fjárfesta.
76. mál
Já, ég er hjartanlega sammála hv. þingmanni, þetta er móðgun. Ég held að það hefði verið tvímælalaust mikill styrkur fyrir þingið og fyrir samningaumleitni okkar að hífa Icesave-málið upp af embættismannastiginu, yfir á hið pólitíska svið því þetta er mjög pólitískt mál. Ég held að það hefði í raun og veru mátt komast alla leið með þetta þannig, að útskýra fyrir þeim að þetta væri vilji þingsins. Og okkur ber að fara eftir lögum þingsins.