138. löggjafarþing — 37. fundur, 4. des. 2009.
ríkisábyrgð á lántöku Tryggingarsjóðs innstæðueigenda og fjárfesta.
76. mál
Virðulegi forseti. Til að fólk geti skipulagt næstu daga sína, þ.e. desember, jól nálgast, verða þingmenn að fá að vita að hverju þeir ganga þegar þeir mæta til vinnu á morgnana. Nú vantar klukkuna korter í eitt á hinu fjölskylduvæna Alþingi. Hvenær á þessum fundi að ljúka? Stjórnarandstaðan er ekki íslensku þjóðinni dýr, það eru stjórnarliðar sem eru íslensku þjóðinni dýrir því að þeir ætla að neyða Icesave-málinu í gegn. Hvenær lýkur þingfundi í nótt, frú forseti?