umhverfis- og auðlindaskattur.
Frú forseti. Annar minni hluti leggur til að málinu verði vísað frá vegna
a. rangrar notkunar á hugtökum í frumvarpi ríkisstjórnarinnar,
b. vegna tilrauna til að leggja orkuskatt á notkun almennings í stað þess að taka raunveruleg rentu af auðlindinni sjálfri,
c. vegna verndunar stóriðju, bæði raforkuvera og álvera þar sem hvorki er minnst á auðlindarentu né gas.
Frumvarpið er ekki um auðlindaskatta og þetta snýst ekki um það sem hv. þm. Ögmundur Jónasson sagði áðan að menn væru á móti þessu vegna þess að nafnið auðlind stendur á forsíðu plaggsins. Þetta frumvarp er rangt, það er röng hugtakanotkun í því og verið er að festa í lög hugmyndir um auðlindaskatta sem gagnast náttúruauðlindum og umhverfissinnum ekki neitt. Verið er að færa hugmyndina um auðlindarentu í allt annað umhverfi þar sem neytandinn er látinn borga. Það er mjög varasamt og það verður vísað til þessa máls sem fordæmis í framtíðinni þegar kemur að auðlindagjöldum. Þetta er mjög varasöm leið og ég legg til að málinu verði vísað frá.