heillaóskir til litháísku þjóðarinnar.

Virðulegi forseti. Það þarf ekki að hafa mörg orð um þessa tillögu til þingsályktunar. Við fylgdumst öll með hetjulegri sjálfstæðisbaráttu litháísku þjóðarinnar fyrir 20 árum. Íslendingar voru fyrstir til að viðurkenna sjálfstæði þeirra og ég held að við séum öll mjög stolt af því. Síðan hefur sérstakt vinasamband verið á milli þessara tveggja þjóða sem Litháar hafa sýnt okkur í verki og við þeim þegar kostur hefur gefist. Þess vegna er okkur samfylkingarfólki og jafnaðarmönnum ánægjuefni að þessi tillaga sé flutt og tökum sannarlega undir hana.