orð þingmanns í umræðu um störf þingsins.
Virðulegi forseti. Ég vildi benda forseta á hversu ósmekklegt það er þegar þingmenn koma upp í ræðupúlt Alþingis og ráðast á hitt stjórnsýslustigið sem er jafnfætis ríkisstiginu, þ.e. sveitarstjórnarmenn, með offorsi.
Ég hélt satt best að segja að þegar hv. þm. Álfheiður Ingadóttir kom hérna upp ætlaði hún að biðjast afsökunar á gífuryrðum sínum í garð Flóahrepps (Forseti hringir.)
(Forseti (ÁRJ): Fundarstjórn forseta.)
Þetta fjallar um fundarstjórn, ég er að útskýra fyrir forseta af hverju ég tel að forseti þurfi að taka þetta mál upp. (Forseti hringir.)
(Forseti (ÁRJ): Þetta er efnisleg umræða um mál sem verður rætt utan dagskrár eftir nokkrar mínútur.)
Engan veginn, þetta fjallar ekki um það. Þetta fjallar um að hér komi þingmenn upp í tíma og ótíma og ráðist að fólki sem ekki getur varið sig. Ég tel að forseti verði að taka þetta mál upp við þingmenn, sérstaklega í ljósi þess að við höfum heitið því, 63:0, að taka þessa umræðumenningu til endurskoðunar.