fundarstjórn.
Forseti hyggst svara þeim fyrirspurnum sem bornar hafa verið hér upp.
Varðandi breytingartillöguna er það svo — forseti hefur skoðað það — að ekki er gert ráð fyrir því í þingsköpum að forseti Alþingis geti vísað breytingartillögum við lagafrumvarp frá nema þær feli í sér breytingar á stjórnarskránni. Það er því í valdi þessa salar hvort hann samþykkir tillögur sem áhöld eru um að standist stjórnskipan Íslands.
Varðandi ræðutíma er það svo að eingöngu í 2. umræðu er heimilt að tvöfalda ræðutíma. Forseti hyggst (Gripið fram í: … skylt að …) — já, skylt er, en forseti hyggst fara að þingsköpum og hafa ræðutíma eins og kveðið er á um í þingsköpum Alþingis.