stjórn fiskveiða.
Virðulegi forseti. Jú, vissulega kemur það spánskt fyrir sjónir að mælt sé fyrir frumvarpi í miðri umræðu um annað frumvarp. Ég vil aftur á móti vera á svipuðum slóðum og hv. þm. Kristján Þór Júlíusson. Ég held að sé gríðarlega mikilvægt að við varðveitum tjáningarfrelsi þingmanna í þessum sal. Ef hv. þm. Þór Saari vill tala um frumvarpið sitt er honum það algjörlega frjálst. Ég tek undir með hv. þm. Kristjáni Þór Júlíussyni að það er gagnlegt í umræðunni að velta upp ólíkum sjónarmiðum og er frumvarp Hreyfingarinnar tvímælalaust fullt af ólíkum sjónarhornum.