Stjórnarráð Íslands.
Virðulegi forseti. Nei, ég hef svo sem ekki áhyggjur af því og held að það eigi að vera hægt að rekja mál þegar þau færast til. Mikil áhersla er lögð á að allt sé skráð og það verður þá skráð ef mál flyst frá einum til annars. Nei, ég sé ekki hættuna á því þó að einn málaflokkur færist frá einum starfsmanni til annars eða í annað ráðuneyti og ekki standi nákvæmlega iðnaðarráðuneyti eða eitthvert annað ráðuneyti. Hefur þingmaðurinn áhyggjur af því að það muni ekki verða merkt þó að það standi ekki í lögunum nákvæmlega hvaða ráðherra eigi að fara með hvað? Ég held að í hinu daglega lífi verði það þannig. Það er þá hægt að setja upp verklagsreglur í Stjórnarráðinu um að merkja eigi öll vinnuplögg og alla ferla nákvæmlega viðkomandi ráðherra. Þó að það standi ekki í lögunum (Forseti hringir.) hvað öll ráðuneyti eigi að heita munu þau væntanlega heita eitthvað (Forseti hringir.) eftir sem áður sem verður ákveðið hverju sinni þegar ríkisstjórn er mynduð.