húsnæðismál.
Frú forseti. Við stígum mikilvægt skref með því að veita Íbúðalánasjóði heimild til að gefa út óverðtryggð skuldabréf. Það er mikilvægt að fjölga valkostum heimilanna á fasteignalánamarkaði. Sést hefur að þau taka nú í miklum mæli óverðtryggð lán hjá bönkunum. Því er mikilvægt að við veitum Íbúðalánasjóði sem á að gæta hagsmuna almennings í útlánum sínum þessa heimild, og að sjóðurinn horfi jafnframt til þess að heimilin þurfi ekki að taka óhóflega áhættu í lántökum sínum vegna fasteignakaupa.