opinber þjónusta í Þingeyjarsýslum.
Frú forseti. Ég ætla aðeins að blanda mér í þessa umræðu og hvetja hæstv. ráðherra til að koma með afdráttarlausar yfirlýsingar um að staðið verði við þá viljayfirlýsingu á allan hátt sem menn hafa reynt að skilja.
Hæstv. ráðherra talar um að nauðsynlegt sé að greina þetta og kanna og hv. þm. Jónína Rós Guðmundsdóttir talar um álag á stofnanir vegna reynslunnar fyrir austan. Þetta hljómaði svolítið neikvætt hjá hæstv. ráðherra og mig langar að spyrja hann hvort í þeirri skýrslu sem var unnin um verkefni fyrir austan, og finnst á heimasíðu iðnaðarráðuneytisins, hafi ekki einmitt komið fram að allt hafi gengið eftir sem menn spáðu — það eina sem hafi farið fram yfir var að einhverjir einkaaðilar hefðu ákveðið að byggja fullmikið af íbúðum, en reynslan hefði verið býsna góð af verkefninu (Forseti hringir.) fyrir austan.