samþykkt rammasamnings milli ríkisstjórnar Íslands og framkvæmdastjórnar Evrópusambandsins.

Frú forseti. Þetta voru fín dæmi sem hv. þingmaður nefndi og ég leyfi mér að fullyrða að ekki er mikið fjallað um þetta á vettvangi Evrópustofu, heldur ekki á Evrópuvefnum og heldur ekki á ýmsum þeim vefjum sem Evrópusambandið sjálft heldur úti á ensku, sem maður getur nálgast frá Brussel. Þar á meðal er vefur sem hv. samflokksmaður þingmannsins, Ásmundur Einar Daðason, vakti athygli á um Captain Euro, kostulegur vefur. Upplýsingarnar sem þar eru settar fram eru einhliða.

Það vekur líka athygli að þegar Alþingi veitir styrki til þeirra sem fjalla á mun gagnrýnni hátt um Evrópusambandið þá rísa þingmenn Vinstri grænna upp á afturfæturna (Forseti hringir.) og finnst það í hæsta máta óeðlilegt. Það er athyglisvert.