fjárhagur Ríkisútvarpsins.
Forseti. Ég þakka fyrir svörin og er hugarhægra eftir þau. Ráðherrann er að fylgjast með og ætlar að kalla eftir sérstakri greinargerð um stöðuna núna. Það kemur satt að segja á óvart að hún hafi versnað svo mikið frá því í júní að núna eigi að fara í sérstakar aðhaldsaðgerðir og við þurfum auðvitað að vita í hverju þær felast.
Það kemur reyndar líka á óvart, þó að auðvitað geti eitt ár verið verra en önnur í þessari fjögurra ára ólympíöðu Ríkisútvarpsins, að staðan hafi versnað svo mikið frá því í júní að nú eigi að fara að reka fólk í Ríkisútvarpinu. Þótt ég ætli ekki að skipta mér af því hver er ráðinn og hver rekinn í þessu Ríkisútvarpi verð ég að segja líka að það skiptir máli hvað þar fer fram. Það er auðvitað algjörlega út í hött að ef menn tapa á Ólympíuleikum komi það niður á til dæmis starfsfólki á Rás 1, réttara sagt á hlustendum (Forseti hringir.) Rásar 1. Það verður að gæta hófs í þessu og hafa framtíðina í huga.