fjárlög 2013.
Frú forseti. Örstutt. Mig langar að spyrja hv. þm. Ásbjörn Óttarsson hvernig kjósendum hans á Snæfellsnesi muni líka við eftirfarandi setningu, sem ég las áðan. Hér stendur, með leyfi forseta:
„Útgjöld forsetaembættisins voru skorin mjög niður“ — það er verið að tala um forseta Íslands — „eftir fall fjármálakerfisins og opinberum heimsóknum meðal annars frestað.“ — Svo kemur setningin: — „Gert er ráð fyrir að þráður opinberra heimsókna verði nú tekinn upp að nýju.“
Það er spurning hvernig kjósendum hv. þingmanns, sem horfa upp á mikla skerðingu á læknisþjónustu, líki svona setning.