kísilver í landi Bakka.
Virðulegur forseti. Hér eru greidd atkvæði um kísilver í landi Bakka, ívilnanir og uppbyggingu innviða vegna umræddrar atvinnustarfsemi. Um er að ræða verkefni sem býr yfir ýmsum kostum, tiltölulega mörg störf per megavatt og orkukost í nýtingarflokki rammaáætlunar.
Ég vil þó að við þetta tækifæri komi fram að ég tel óásættanlegt að ráðist verði í virkjun í Bjarnarflagi án þess að fram fari nýtt umhverfismat eins og raunar Umhverfisstofnun og Náttúruverndarsamtök Íslands hafa lagt til. Mývatn og lífríki þess eru í húfi. Loks er að mínu mati um að ræða of rífleg framlög úr ríkissjóði til að ég geti stutt þessi mál. Ég mun sitja hjá við bæði málin.