fjáraukalög 2013.
Virðulegur forseti. Þetta er nokkuð sérkennileg staða sem er komin upp. Það var þannig, hæstv. forsætisráðherra til upprifjunar, að ríkisstjórnin samþykkti breytingartillögur sínar á sérstökum ríkisstjórnarfundi á föstudaginn var. Þær voru kynntar af embættismönnum fjármálaráðuneytisins fyrir fjárlaganefnd á þeim sama föstudegi.
Nú stendur forsætisráðherra flissandi í ræðustól Alþingis og talar um þetta sem einhverjar hugmyndir og vangaveltur, það sem fjárlaganefndin er komin með á sitt borð og hv. formaður fjárlaganefndar talar fyrir í fjölmiðlum. Við fáum flissandi forsætisráðherra um að þetta sé bara eitthvert grín og við fáum fréttir í Ríkisútvarpinu í hádeginu um að verið sé að skoða breytingar á tillögum sem eru til meðferðar hjá fjárlaganefnd í ríkisstjórn.
Virðulegur forseti. Bíddu, hvernig er eiginlega verklagið hjá þessari ríkisstjórn (Forseti hringir.) og hjá þessum meiri hluta?