umsókn Íslands um aðild að Evrópusambandinu dregin til baka.
Virðulegi forseti. Ég vil þakka hv. þingmanni fyrir þessi svör en vil inna aðeins nánar eftir þessu. Nú hefur mér skilist að hv. þingmaður sé andvígur aðild að Evrópusambandinu í sjálfu sér eða telji ekki hagsmunum Íslands best borgið innan sambandsins. Mundi sú afstaða breytast ef hægt væri að fá undanþágur í veigamiklum köflum sambandsins í einhverjum efnum og hvaða köflum þá?
Ég veit að einhverjir þingmenn, þegar þessi mál voru til umræðu í þinginu, kröfðust þess að þingið mundi áskilja sér fullan rétt til að slíta viðræðum ef ljóst yrði að ekki næðist í land að verða við þessum skilyrðum. Mundi þingmaðurinn aðeins vilja tjá sig um þetta?