áætlun um vernd og orkunýtingu landsvæða.
Virðulegi forseti. Ég þykist vita að hæstv. forseti er maður sátta og skynsemi, hann náði að gera ágætt samkomulag við þingflokksformenn og þingliðið um að hafa aukaþingfundadag á morgun til að ræða mikilvægt málefni. Virðulegur forseti hlýtur að sjá að þar að baki hlýtur einnig að hafa legið ásetningur um að þeir þingmenn sem munu taka þátt í þeirri umræðu, og þeirri vinnu sem óhjákvæmilega fer fram í aðdraganda þess, hefðu tíma til að undirbúa sig fyrir málið.
Nú kemur hins vegar upp sú staða að þingmenn fyllast tortryggni vegna þess að vísa á máli í nefnd sem kannski er ekki hefðbundið í þessu efni. Forseti verður með einhverju móti að ræða það þá við þingflokksformenn að fresta fundi og með hvaða hætti eigi að halda áfram með málið.