144. löggjafarþing — 5. fundur, 15. sept. 2014.
alþjóðlegi lýðræðisdagurinn.
Ég vek athygli þingmanna á því að í dag, 15. september, er alþjóðlegi lýðræðisdagurinn. Sameinuðu þjóðirnar hafa frá árinu 2008 haldið merki lýðræðis sérstaklega á lofti þennan dag sem lið í eflingu lýðræðis um heim allan. Það eru ekki allar þjóðir svo lánsamar að búa við lýðræði og því getum við Íslendingar á þessum degi verið þakklát fyrir að hér standa lýðræðislegir stjórnarhættir föstum rótum.