fjáraukalög 2014.
Virðulegi forseti. Fyrst til að bregðast við því til hvers fjáraukalagafrumvarp er þá fór ég yfir það, og í nefndarálitinu stendur að í frumvarpinu núna sé að finna fjárveitingar sem eru ekki til fyrirmyndar og í raun óásættanlegar, þannig að það sé sagt, og ég hef verið, eins og þingmaðurinn veit, mikill talsmaður aga í ríkisfjármálum.
Við erum að ræða fjáraukalög fyrir 2014 og hér er rifjað upp ákvæði sem fellt var úr fjárlögum á síðasta ári. Það gerðist á náttúrulegan hátt og sú umræða sem átti sér stað í fyrra á þeim árstíma varðandi barnabæturnar sem voru raunverulega óþarfar því að sem betur fer á náttúrulegan máta lækkuðu barnabæturnar vegna aukinna tekna hjá þeim sem fá barnabætur, þ.e. fjölskyldufólki sem á börn (Forseti hringir.) og er með háar tekjur og það er vel. Þannig á bótakerfi að virka.