náttúrupassi og almannaréttur.

Virðulegur forseti. Hvort sem það er Íslendingurinn eða erlendi ferðamaðurinn, ef hann er ekki með passann þar sem gerð er krafa um slíkt þá er hægt að leggja á sektir. Það er það ákvæði sem verður í lögunum. Framkvæmd þessa er í höndum Ferðamálastofu og það verða svokallaðir náttúruverðir, ég held að … [Kliður í þingsal.] Það er ótrúlegt að geta ekki tekið þessa umræðu með málefnalegum hætti. Ferðamálastofa mun hafa eftirlit með þessu. Úthlutunin fer fram í gegnum Framkvæmdasjóð ferðamannastaða. Öll svæði í eigu og umsjón íslenska ríkisins og sveitarfélaga verða þarna undir, en eins og ég hef ítrekað sagt verður ekki gerð krafa um að menn hafi passann á sér nema á fyrir fram tilgreindum stöðum.