144. löggjafarþing — 76. fundur, 3. mars 2015.
fjármálafyrirtæki.
571. mál
Hæstv. forseti. Þetta var fróðlegt svar og ágætt. Telur hv. þingmaður það hafa verið óheillaspor á sínum tíma að einkavæða alla bankana sem áður höfðu verið í eigu ríkisins? Hefði verið nær að halda alla vega einum banka sem eins konar kjölfestu í fjármálalífi okkar? Hefði það hugsanlega komið í veg fyrir þau hrikalegu áföll sem við urðum fyrir á sínum tíma við hrun bankanna?