framtíðargjaldmiðill Íslands.
Hæstv. forseti. Nú er svo stórt spurt að ég er ekki viss um að ég treysti mér til að svara, að ég hafi hreinlega þekkingu eða vit til að svara þessu á viti borinn hátt. Hitt veit ég að hagsmunir norðurs og suðurs, ríkra og snauðari ríkja, innan myntsvæðisins eru ekki hinir sömu. Ég hlustaði á mann halda erindi ekki alls fyrir löngu um þessi mál í Evrópu. Þar var spurt: Á okkar þjóð að segja sig úr myntsamstarfinu? Hann svaraði: Nei, kannski væri best fyrir myntsamstarfið að Þjóðverjar segðu sig úr því, Þjóðverjar og Hollendingar. Þetta var maður sem var fremur að tala út frá hagsmunum suðursins. Það sem hann var í raun að setja kastljósið á var að hagsmunir ólíkra eða mismunandi félagslegra og efnahagslegra aðstæðna færu ekki saman. Þeir færu ekki saman í sameiginlegri peningapólitík.