tekjuskattur o.fl.
Virðulegur forseti. Hv. efnahags- og viðskiptanefnd hefur borist ábending um að frumvarpið sem hér um ræðir þurfi að taka örlitlum frekari breytingum en breytingartillögur meiri hluta efnahags- og viðskiptanefndar gerðu ráð fyrir. Þetta er viðbótarbreyting sem leiðir af breytingartillögu sem liggur fyrir í málinu og þess utan er örlítil árétting á orðalagi breytingartillögu meiri hluta efnahags- og viðskiptanefndar.
Af þessu tilefni ætla ég að óska eftir því að málið gangi til hv. efnahags- og viðskiptanefndar milli 2. og 3. umr. og fái sérstaka umfjöllun þar. Þær breytingartillögur verða þá lagðar fram síðar í þessu máli.