alþjóðleg þróunarsamvinna Íslands o.fl.
Herra forseti. Ég vil í fyrsta lagi lýsa yfir miklum vonbrigðum með að hæstv. utanríkisráðherra sé ekki í salnum. Einhvern veginn hafði ég von um að hann mundi stökkva til ásamt utanríkismálanefnd og finna sáttaflöt á málinu. Ef hann sæti hér inni og hlustaði á rök okkar hélt ég að hann sæi sér leik á borði að finna út úr því hvernig hægt væri að ljúka málinu í sátt.
Í öðru lagi vil ég spyrja forseta hvort hann hafi kallað eftir hæstv. utanríkisráðherra og beðið hann að vera í salnum.
Í þriðja lagi vil ég spyrja hvert valdsvið forseta Alþingis er í raun ef hæstv. ráðherrar hlýða ekki kalli forseta þegar þeir eru kallaðir (Forseti hringir.) í þingsal.