fjárlög 2016.
Virðulegi forseti. Það er ekki hægt að hlusta á það hér ítrekað að ekki megi leggja aukið veiðileyfagjald á útgerðina sem er þó í sögulegu hámarki hagvaxtar með 70–80 milljarða kr. fjármagnsmyndun og greiðir sjálfri sér 13–14 milljarða í hreinan arð. Auðvitað þarf sterkasti atvinnuvegur þjóðarinnar að ganga undir bagga með öðrum til að hægt sé að byggja upp mannvænleg lífsskilyrði í landinu. Það er hneyksli að þessi ríkisstjórn skuli ekki treysta sér til að leggja sanngjarnar og eðlilegar álögur á þessa blómlegu og gróðamiklu atvinnugrein.
Sú tillaga sem hér liggur fyrir, um veiðigjaldið, er meira að segja hóflega áætluð og að sjálfsögðu greiði ég henni atkvæði.