félagsþjónusta sveitarfélaga.
Hæstv. forseti. Ég þakka hv. þm. Páli Val Björnssyni fyrir svarið. Það er hárrétt sem hv. þingmaður segir. Ég held að allir þeir, alla vega sem ég hef heyrt í í umræðunni, deili ekki um markmiðin í sjálfu sér. Ég hef fylgst ágætlega með umræðunni og farið yfir umsagnir þar sem ég á ekki sæti í hv. velferðarnefnd. Lausnin sem finna þarf í þessu máli — þetta er mildileg leið. Þegar upp er staðið þá gerir það enginn að gamni sínu að vera í þessari stöðu. Þarna er um lögbundna þjónustu að ræða. Þess vegna velti ég þessu upp.
Til upprifjunar fyrir hv. þingmann er sagt að í slíku mati þurfi að rökstyðja að önnur úrræði hafi verið fullreynd og að skerðing sé réttlætanleg og í samræmi við ákvæði samkvæmt félagsþjónustu. Ég velti því upp hér hvort (Forseti hringir.) tryggja þurfi betur þetta mat í frumvarpinu og hvernig staðið sé að því þannig að við getum snúið neikvæðri nálgun í jákvæða.