dagur helgaður fræðslu um mannréttindi barna.
Hæstv. forseti. Ég kem hér upp til að lýsa stuðningi við þessa þingsályktunartillögu og þakka hv. þingmanni fyrir að hafa flutt hana ásamt öðrum talsmönnum barna í þinginu. Ég vil líka þakka honum fyrir frumvarpið sem við samþykktum áðan.
Ég vildi líka koma hérna upp til að segja að ég held að það séu fá fordæmi fyrir því í þingsögu Íslands að þingmaður í stjórnarandstöðu fái tvö mál samþykkt sama daginn. Ég óska hv. þm. Páli Val Björnssyni til hamingju með þann áfanga og þakka honum fyrir að standa vörð um hagsmuni barna á Íslandi.