145. löggjafarþing — 98. fundur, 14. apr. 2016.
húsnæðissamvinnufélög.
370. mál
Frú forseti. Ég kem hér til að mæla fyrir einni lítilli breytingartillögu sem er tæknilegs eðlis. Ég les hana, en þar segir:
„Orðin „sbr. lokamálslið 1. mgr. 3. gr.“ í 2. mgr. c-liðar 25. gr. (28. gr. c) falli brott.“
Þessi breyting kemur til af því að 3. gr. laganna var felld brott, enda er þarna um endurtekningu á ákvæðum að ræða sem eru sambærileg í lögum um samvinnufélög sem gilda um húsnæðissamvinnufélög. Þetta er einföld og tæknileg breyting en mikilvæg, því að rétt skal vera rétt.
