kjördagur og málaskrá ríkisstjórnarinnar.
Virðulegur forseti. Ég tek undir með þeim hv. þingmönnum sem hér hafa talað um hversu vandræðalegt það er að starfsáætlun þingsins sé óljós og að ekki hafi verið ákveðinn kjördagur á kosningum sem boðaðar hafa verið í haust. Við sem hér erum berum fyrst og fremst ábyrgð á starfi þingsins og vitum að ekki eru mjög margir dagar eftir af þessu þingi. Varðandi skipulag þess er full ástæða til að spýta í lófana en síðan skulum við ekki gleyma því að ekki er kosið fyrir okkur alþingismenn. Kosningar eru tæki fyrir þjóðina til að láta álit sitt í ljós. Auðvitað skuldum við þjóðinni kjördag og getum ekki látið hana bíða með óljósan kjördag einhvern tímann í haust.
Við berum okkur oft saman við Norðurlandaþjóðir og aðrar þjóðir um það hvernig við viljum vera en ég er ansi hræddur um að þetta ástand (Forseti hringir.) væri ekki liðið í nágrannalöndunum.