fjármálastefna 2017--2022.

Virðulegi forseti. Það er að sjálfsögðu mikilvægt að viðhafa þau vinnubrögð að eiga sem best samráð við þingið. Ég hóf það samráð í morgun með því að boða fulltrúa minnihlutaflokkanna á Alþingi á fund í fjármála- og efnahagsráðuneytinu til að kynna þeim þá stefnu sem hér er lögð fram í dag. Ég dreg ekki úr mikilvægi þess að þingmenn sinni þessu máli sem allra best og það sé sem mest og best samráð milli ráðuneytisins og þingmanna, hvar í flokki sem þeir standa, um þá stefnu. Hins vegar má ekki gleyma því að þegar stefnan hefur verið samþykkt þá er hún stefna Alþingis en ekki bara stefna ríkisstjórnarinnar.