fjármálastefna 2017--2022.
Forseti. Ég þakka þessa útskýringu. Mjög mikilvægt er að hún kom fram.
Annað sem ég hegg eftir í tillögunni er einmitt heildarafkoman 2018 og 2019 sem er áætluð að verði 1,6% af vergri landsframleiðslu. Nú á þetta að gerast samhliða uppbyggingu í heilbrigðismálum, menntamálum, nýsköpun, samgöngum og því um líku. Þetta er í raun aðhaldskrafa á útgjöld ríkissjóðs umfram það prósent sem hefur verið í gangi undanfarin ár. Mig langaði aðeins að fræðast um upphæðirnar sem fylgja þessu því að þetta eru stórar upphæðir, t.d. sem þarf í uppbyggingu í heilbrigðismálum, og svo er 1,6% ekkert lítil upphæð.