aðskilnaður fjárfestingarbanka og viðskiptabanka.

Frú forseti. Ég fagna þessu viðhorfi að vissu leyti. Ég held engu að síður að þessi tillaga ætti að ná fram að ganga nú. Mig langar að stinga upp á því að það verði efnt til samvinnu hér, eftir þessi ágætu samtöl, um það hvernig eigi að leggja fram tillögu þess efnis að ráðast í heildræna endurskipulagningu á bankakerfinu og lífeyrissjóðakerfinu með þetta allt í huga. Hugsanlega væri hægt að setja það saman á þannig hátt að þessi tillaga gæti náð fram að ganga samhliða hinni og náð fram öllum markmiðunum samtímis. Ég held að þetta þurfi ekki að vera í andstöðu við hvort annað. Og það er alveg rétt sem hv. þingmaður segir að það er þannig ástand í hagkerfinu núna að ef við gerum þetta ekki núna erum við að missa af alveg frábæru tækifæri. Það væri í raun rangt að leyfa því bara að sleppa. Þetta er gott tækifæri.