ívilnandi samningar vegna mengandi stóriðju.
Það er hárrétt hjá hv. þingmanni að stjórnarsáttmálinn er að sjálfsögðu yfirlýsing. Hann hefur hvorki lagastoð né stoð sem reglugerð eða lögjöfnun eða hvaða annað lögfræðilegt heiti er yfir það. Í stjórnarsáttmála birtist vilji og áætlanir ríkisstjórnarinnar á þessu kjörtímabili og þar kemur þetta fram. Þess vegna segi ég það hér að ég er að láta skoða það í ráðuneytinu hvort breyta þurfi einhverju af því sem áður hefur verið samþykkt til að uppfylla nýjan stjórnarsáttmála.
Það er alveg rétt að það kom ekki fram á málaskrá, enda er málaskráin lögð fram mjög skömmu eftir að ný ríkisstjórn tekur við. Þetta hefði þá þarfnast mikillar vinnu og ég ætla ekki að leggja fram frumvörp í þinginu sem ekki er vönduð eða tilbúin. Það getur (Forseti hringir.) verið að það komi ekki á þessu þingi heldur á því næsta ef einhverju þarf að breyta. (Forseti hringir.) Ég vil ekki segja meira en það sem ég veit núna.