vextir og verðtrygging o.fl.
Frú forseti. Ég þakka hv. þingmanni svarið og tek alveg undir að þarna er verið að skapa alveg ótrúlega mikla áhættu fyrir bankakerfið. Væntanlega situr Seðlabanki Íslands í einhverjum tilfellum uppi með mikinn hluta af þeirri áhættu, sem þrautalánastofnun. Þetta er í rauninni þannig ástand sem er verið að boða með þessu frumvarpi, það er verið að leggja hagkerfi Íslands í stórfellda hættu, aftur. Er það ekki tilfellið? Er eðlilegt að ríkisstjórnin sé að leggja fram tillögu sem stofnar hagkerfi landsins í hættu aftur? Ég veit að hv. þingmaður er ekki hluti af ríkisstjórninni en mig langar að heyra viðhorf hennar til þess.