samskipti ríkisins við vogunarsjóði.
Virðulegi forseti. Ég vil bæta við nokkrum spurningum til hæstv. ráðherra.
Er það hans mat að kaup erlendra vogunarsjóða séu til þess fallin að auka trú almennings á Íslandi á bankakerfinu?
Telur hæstv. fjármálaráðherra að með þessu sé eignarhald á Arion banka gagnsætt?
Í ljósi orða ráðherrans hér fyrr í umræðum: Telur ráðherra að þessi sala falli undir vönduð vinnubrögð? Er þetta það að vanda sig?
Ég vil ítreka spurninguna sem ég spurði hér áðan: Verða erlendir sjóðir jafn velkomnir fjárfestar þegar kemur að sölu á ríkisbönkum? Verður það einnig talið styrkleikamerki og tímamót?
Ég verð að lýsa því yfir hér, frú forseti, að það er mjög erfitt að komast að annarri niðurstöðu í ljósi alls sem gerst hefur í samskiptum við aðila sem vilja fjárfesta á Íslandi (Forseti hringir.) en að kaupendur hafi orðið sér út um blessun yfirvalda áður en var gengið til kaupanna. Það kaupir enginn banka (Forseti hringir.) á Íslandi eða erlendu landi án þess að ráðfæra sig við yfirvöld. Það virðist af svörum ráðherrans (Forseti hringir.) að þetta sé í samræmi við svokallaða eigandastefnu stjórnvalda. Vill ráðherrann bregðast við því?