brottfall laga um Lífeyrissjóð hjúkrunarfræðinga og niðurlagning Eftirlaunasjóðs starfsmanna Útvegsbanka Íslands.
Frú forseti. Já, það eru smávægilegar reglur sem eru öðruvísi, þ.e. reglur um ávinnslu réttinda. Þær hafa hins vegar ekki mikil áhrif í ljósi þess að sjóðurinn hefur ekki tekið við nýjum félögum síðan árið 1997, held ég. Eins og fram kemur fer sjóðfélögum hratt fækkandi á hverju ári, ekki vegna þess að þeir séu að falla frá heldur vegna þess að þeir eru að komast yfir á eftirlaun og eru því ekki virkir í réttindaávinnslu lengur. Þetta frumvarp er hins vegar unnið í samvinnu við fulltrúa þeirra sem eru sjóðfélagar. Um það er sátt meðal þeirra. Það er því talið að sá smávægilegi munur sem þarna er muni ekki hafa teljandi áhrif á réttindi sjóðfélaga nema til hins betra.