meðhöndlun úrgangs og ráðstafanir gegn umhverfismengun af völdum einnota umbúða fyrir drykkjarvörur.
Virðulegi forseti. Ég þakka ágætum framsögumanni fyrir ræðuna. Ég tek undir það sem þar kom fram, enda skrifuðum við undir nefndarálitið saman.
Ég ætlaði rétt svo að hnykkja á því sem er skilningur minn og fleiri í minni hlutanum hvað varðar heimild til álagningar stjórnvaldssekta. Hvað mig varðar tek ég undir það með Umhverfisstofnun að mikilvægt sé að lögfesta slíka heimild sem fyrst þar sem lögbrot á sviði úrgangsmála verða sífellt algengari og stórfelldari og brýn þörf á skilvirkum þvingunarúrræðum, ekki síst með tilliti til almennra varúðaráhrifa.
Þar sem ráðuneytið hefur upplýst að verið sé að vinna að innleiðingu stjórnvaldssektarákvæðis, bæði í þessu máli og fleiri málum sem eru á könnu ráðuneytisins, þá féllumst við á að það væri réttur farvegur til að beina þessum málum í. Eins og hv. þm. Ásmundur Friðriksson kom inn á og las upp úr nefndarálitinu kynnir ráðherra Alþingi skipun starfshóps og stöðu mála á haustþingi 2017. Það er sem sagt rík áhersla frá okkur að farið verði í þá vinnu hvað varðar stjórnvaldssektir, en okkur þótti skynsamlegt að taka heildstætt á þeim málum og því er þessi leið lögð til hér.