146. löggjafarþing — 76. fundur, 31. maí 2017.
stefna og framkvæmdaáætlun í málefnum fatlaðs fólks 2017--2021.
434. mál
Frú forseti. Mig langar til að þakka nefndinni fyrir góða vinnu í þessu máli og sérstaklega hvað varðar þá breytingu sem lögð var fram í nefndaráliti meiri hlutans um að skoðað verði hvaða áhrif fjárveitingar til félags-, heilbrigðis- og menntamála hafa á líf fatlaðs fólks. Og að leggja áherslu á mikilvægi þess að fjármagn fylgi með þeim verkefnum sem á að fara í.