148. löggjafarþing — 44. fundur, 23. mars 2018.
kosningar til sveitarstjórna.
40. mál
Hæstv. forseti. Ég þakka þingmanninum fyrir þessa ræðu og er mjög ánægður að sjá að loksins tekur kona til máls en ekki einhver miðaldra karlmaður. Ég las Facebook-færslu um að hér væru bara miðaldra karlmenn með föðurlegt yfirlæti að tala þannig að ég gleðst innilega yfir þessu.
Þingmaðurinn fór yfir málið á mjög góðan hátt, kom reyndar ekki fram með umsagnir sveitarstjórna og dómsmálaráðuneytisins, en hvað finnst þingmanninum um það sem hefur komið fram í ræðum, þegar menn tala um að þetta skipti ekki svo miklu máli, þetta séu bara 3%, 9.000 manns, og svo séu þetta „bara“ sveitarstjórnarkosningar?
