frumvarp til laga um breytingar á almennum hegningarlögum um bann við umskurði drengja.
Frú forseti. Þetta er áhugaverð fyrirspurn fyrir þær sakir að málið snýst um réttindi barnsins, númer eitt, tvö og þrjú en hér er verið að færa umræðuna inn á þessa viðskiptahagsmuni og nota þá takmörkuðu heimild eða þá auðlind sem við höfum, sem er þessar sérstöku umræður, til að ræða sérstaklega við utanríkisráðherra um viðskiptahagsmuni í þessu einstaka máli.
Ég vil þá kannski spyrja hæstv. ráðherra utanríkismála, því hann talar svo afgerandi í þessu máli, og það er hægt að hlusta á það aftur og aftur, hann talar svo afgerandi fyrir þessum hagsmunum sem um er að ræða, þ.e. að það séu sterkir aðilar úti í heimi sem vilji ekki sjá þetta verða að veruleika á Íslandi: Var einhverjum þrýstingi beitt af sendiherra Ísraels á ráðherra í þessu máli? Það verður bara að koma skýrt fram. Það er mjög afgerandi hvernig ráðherra talar. Og svo tekur hann undir þetta alveg í restina: Já, og svo réttindi barnsins. Nei, þetta snýst númer eitt, tvö og þrjú um réttindi barnsins. Við skulum ekki vera að blanda viðskiptahagsmunum Íslands inn í það.