lengd þingfundar og fyrirkomulag fjárlagaumræðu.
Samkomulag er um það milli forseta og þingflokksformanna að þingfundur í dag geti staðið lengur en til kl. 20 ef þörf krefur.
Í dag verður almenn umræða um fjárlagafrumvarpið í framhaldi af framsögu fjármála- og efnahagsráðherra. Á morgun munu svo fagráðherrar taka þátt í umræðum um einstaka málaflokka.
Samkomulag er um fyrirkomulag umræðunnar, samanber 3. mgr. 67. gr. þingskapa. Fjármála- og efnahagsráðherra hefur allt að 15 mínútur til framsögu nú í upphafi. Réttur til andsvara verður rýmkaður, þ.e. tryggt verður að fulltrúar allra stjórnarandstöðuflokka geti veitt full andsvör við ræðu ráðherra.
Því næst talar einn talsmaður frá hverjum þingflokki í tíu mínútur hver. Aðrir þingmenn hafa og tíu mínútur og gildir hefðbundinn andsvararéttur út umræðuna.