verslun með áfengi og tóbak o.fl.

Herra forseti. Hér átti þingmaðurinn áreiðanlega við brennidepil. Jú, við eigum að horfa sérstaklega til þessa hóps og reyna með öllum ráðum að tryggja að sá hópur sem er í mestum vanda vegna áfengisneyslu fái þá þjónustu og þau úrræði sem duga til að hjálpa honum.

Aðalmálið er samt náttúrlega að grípa ekki til úrræða sem gætu fjölgað í þeim hópi. Ég óttast að þetta frumvarp eins og það er lagt fram gæti stuðlað að því að bæta í þann hóp sem ég og þingmaðurinn höfum einmitt mestar áhyggjur af. Það er fólkið sem er, við skulum segja í viku hverri, að leita sér aðstoðar og fær jafnvel ekki þá aðstoð sem það þarf. Á þann hóp ættum við að einblína og reyna að hjálpa honum.