Frestun á skriflegum svörum.
Borist hefur bréf frá heilbrigðisráðherra þar sem óskað er eftir fresti til þess að veita skriflegt svar við fyrirspurn á þskj. 1091, um nefndir, starfshópa, faghópa og ráð á vegum ráðuneytisins, frá Ingu Sæland.
Þá hafa borist níu bréf frá mennta- og menningarmálaráðherra þar sem óskað er eftir fresti til að veita skrifleg svör við eftirfarandi fyrirspurnum: Á þskj. 579, um endurgreiðslu efniskostnaður í framhaldsskólum, frá Birni Leví Gunnarssyni; á þskj. 930, um eflingu kynfræðslu á öllum skólastigum, frá Unu Hildardóttur; á þskj. 946, um tekjur Ríkisútvarpsins, frá Óla Birni Kárasyni; á þskj. 977, málefni Hljóðbókasafns Íslands, frá Guðmundi Andra Thorssyni; á þskj. 992, um hugbúnaðarkerfið Skólagátt, frá Smára McCarthy; á þskj. 993, um hugbúnaðarkerfið Mentor, frá Smára McCarthy; á þskj. 994, um hugbúnaðarkerfið Innu, frá Smára McCarthy; á þskj. 1003, um ábyrgð á vernd barna gegn einelti, frá Jóni Þór Ólafssyni og á þskj. 1031, um áskrift að dagblöðum, tímaritum og öðrum miðlum, frá Birni Leví Gunnarssyni.