dagskrá fundarins.
Forseti telur þetta ekki mjög flókið og ætlaði svo sem ekki að ræða það frekar en gerð var tilraun með að komast áfram með nefnt mál og fundað um það í fjóra og hálfa klukkustund í gær. Þegar þeim fundi lauk voru jafn margir á mælendaskrá eða heldur fleiri en voru við upphaf umræðunnar fjórum tímum áður. Sú tilraun leiddi í ljós að í því máli var algjörlega óbreytt staða.
Þess vegna undrast forseti ef menn eru ekki tilbúnir til að reyna að nýta tímann í eitthvað annað sem hugsanlega skilar okkur einhverju og hugsanlega þýðir að einhver mál fái afgreiðslu í dag. Það kemur forseta mjög á óvart ef menn taka því illa að byrjað sé á þeim málum sem full samstaða er um. Þá er forseta orðinn verulegur vandi á höndum, ef ekki er einu sinni vilji til þess að vinna eitthvað í þeim málum sem full samstaða er um og skriflegar yfirlýsingar allra þingflokka liggja fyrir um í nefndarálitinu um stuðning og vilja til afgreiðslu á.
Annars ræðir forseti þetta ekki frekar.