150. löggjafarþing — 5. fundur, 16. sept. 2019.
málefni lögreglunnar.
Forseti. Ég þakka hæstv. ráðherra fyrir þetta svar. Hún talar um að ekkert hafi komið fram sem bendi til víðtækrar spillingar innan lögreglunnar. En því miður hefur það komið fram, í máli ríkislögreglustjórans sjálfs, að víðtæk spilling þrífist innan lögreglunnar og þau orð eru á prenti og þau orð standa þá sem slík. Maður hlýtur að spyrja hvort eitthvað hafi farið á milli hæstv. ráðherra og ríkislögreglustjóra um þessa spillingu, hvort hann hafi upplýst ráðherra eitthvað frekar um það hvers konar spillingu sé um að ræða og hvernig eigi að taka á henni.
En hafi verið um fleipur að ræða hlýtur maður að spyrja: Nýtur ríkislögreglustjóri trausts ráðherrans?
