staðfesting ríkisreiknings 2018.

Virðulegi forseti. Ég hef engar aðrar upplýsingar en að þessi áætlun muni standast. Það voru mínar síðustu upplýsingar þegar ég spurðist fyrir um það. Ég veit að þetta hefur ekki verið létt verk en við erum komin vel af stað og þegar að því kemur ætti að vera sjálfsagt að veita svör við því með hvaða hætti menn hafa eignfært þær jarðir sem hv. þingmaður er að spyrja um, að því gefnu að hægt verði að afmarka eignasafnið svo að hægt sé að ná utan um það sem spurt er eftir.