staða, stjórn og starfshættir þjóðkirkjunnar o.fl.

Herra forseti. Ég velti fyrir mér hvaða málflutningur það er sem við Píratar stöndum fyrir sem styggir hv. þingmann svona mikið. Ég reyndi að vera eins málefnalegur og ég gat í þessari umræðu og þætti gaman ef hv. þingmaður myndi gera það líka. Hvað varðar spurninguna um hvað 1% landsins ætti að kosta vitum við báðir, og að ég held við öll, að land er mjög misverðmætt eftir því hvað er á landinu og hvar það er, t.d. er malarfermetri uppi á miðhálendinu kannski ekki jafn verðmætur eins og fermetri í Kvosinni sem er búið að byggja háhýsi á. Þetta þýðir að ég get ekki lagt mat á þetta 1%. Hins vegar hefur það verið gert. Það var gert árið 1992 af kirkjujarðanefnd sem mat allar eignirnar sem þjóðkirkjan hafði á þeim tíma upp á rétt rúmlega 1 milljarð kr. Kannski væri það (Forseti hringir.) útgangspunktur til að reyna að meta þetta verð.