siðferðileg gildi og forgangsröðun í heilbrigðisþjónustu.
Virðulegi forseti. Það hefur verið sérlega ánægjulegt að vinna að þessu máli í hv. velferðarnefnd. Undirbúningur og aðdragandi hefur verið til fyrirmyndar og er ástæða til að þakka hæstv. heilbrigðisráðherra og velferðarnefnd fyrir samstarfið í málinu. Með tillögunni náum við sem samfélag saman um þau gildi sem við viljum að liggi til grundvallar þeim sjálfsögðu mannréttindum sem heilbrigðisþjónusta á að vera. Sú leiðsögn mun vísa veginn til framtíðar og festa í sessi þau kjarnagildi sem við sem þjóð getum verið sammála um að hafa í hávegum í heilbrigðisþjónustu á Íslandi.