félagslegur viðbótarstuðningur við aldraða.

Virðulegi forseti. Hér erum við að greiða atkvæði um frumvarp sem lagt er til að verði heildarlög um félagslegan viðbótarstuðning við aldraða. Lagt er til að komið verði á fót nýju kerfi félagslegs stuðnings við aldraða sem búsettir eru hér á landi og eiga engin eða takmörkuð lífeyrisréttindi í almannatryggingum. Við meðferð málsins kom fram að þetta er hópur sem telur rúmlega 400 manns. Þetta er mjög mikilvægt því að það er hópur sem á lítinn sem engan rétt og þarf jafnvel að leita mánaðarlega til síns sveitarfélags til að fá framfærslustyrk.