afgreiðsla frumvarps um hlutdeildarlán.

Frú forseti. Ég ætla að leyfa mér að taka undir orð hv. þingmanns sem talaði rétt áðan. Auðvitað eru þetta vond vinnubrögð og ég tek undir það og fer fram á að gert verði hlé á þingfundi á meðan við fundum í velferðarnefnd. Ég vænti þess að formaður nefndarinnar boði okkur á þann fund. Það er nefnilega þannig að þetta var ekki að finna í atkvæðagreiðsluskjölum. Það var engin kynning og það var engin umræða þannig að ekki veitir af því að við förum vel yfir þetta mál.